Title: Link on the Beach
Concept: beach dance
Promoters: Collin, Big Up & Antsman
Cost: Buy out the bar
Venue: Hellshire beach
Date: Every Sunday

Mic: Yow! Thank the Lord for Hellshire star! How much wicked memories we have of that place as a kid, now we deh deh fi dance as big people!! *brap! brap!*
Fyah: Fi real! This Links on the Beach ting going on fi a while now still. Funnily enough, is the first we ever trek out there and I wasn't going with no high expectaions still.
Mic: Is nuff Sunday I did wan' go still. The day I bus' my head at Lime Cay, we were supposed to go, 'memba?
Fyah: But we ended up at Fort Clarence that night. Wrong beach! Dem was jus' playin 'bear old tune.

Mic: An' mi deh deh a Andrews a suffah? Anyway...Hellshire is off the chain on a Sunday night! There is nuthin' betta than a dance wid some back in di day vibes. Come een like House of Leo on the beach!!!
Fyah: You know! It's definitely a one a way kinda vibe. But the people dem not anti-social. Just a mellow mood deh everyweh. All when police come out deh, everybody respectful, nobody kick up 'bout di music turning down...everybody jus' deh deh pon a chillin' vibe.
Mic: Because everybody red, my girl.
Fyah: Dat too.
Mic: Everyweh yuh look...weed deh deh. Like what!

Fyah: The bar dem well stock too. You have the true beverages of the dance yuh knuh? Like the Alize and Canei. You can also get your rum & coke, your vodka ting or your Heineken etc. And dem have nuff bar set up round di place too so yuh nuh haffi stand up in a crowd a wait pon yuh drinks.
Mic: Well, some dude gimme dis sh!t called Rumona in one a dem likkle airplane size bokkle. Mercy God! Dat and a couple Heineken?? Mi couldn't even deal wid di smell a herb!
Fyah: Dem all have Hellshire fish fi all those wid di munchies.
Mic: Yuh mean everybody.
Fyah: Di fish man dem mek a killin' offa oonu!
Mic: Fi real. Open ALL night. Apart from a good dance itself, Ain't nuthin betta than fry fish & festival Hellshire style at 2 in the morning when yuh hungry like dawg.

Fyah: We did just arrive when Rebel T was finishing up dem set. Crowd jus' start comin in 'round 12 and Stone Love start rinse the turntables dem!
Mic: Yeh man, Swamp Ting yuh large YUH LARGE!! Next time we haffi stay fi Fire Links though. Chaa-a!
Fyah: Him nice. Anyway, the vibe is not a clashin' vibes still. Is a dance. Everybody was dancin'!
Mic: Log on...step pon....um.....shhhhhhhh! Nah call no name.

Fyah: Well, they played a good mixture of music. All the top hip hop tunes, all the R&B selections, all the dancehall tunes of the moment!
Mic: Di Stone Love dubs!!!
Fyah: I cyaan tell yuh bout dubplates.
Mic: "...Good mawning sound bwoy long time Stone Love reach yah....." *brap! brap!* Original Stone Love. Cyaan get no betta! All ME a dance. aaah bwoy. Bashment!

Fyah: Well, I never really come dressed fi all di fandangles. Next time I'll be well prepared. Caw some a dem girl dem..trus mi! Dem a shine from a mile away!
Mic: Fyah deh deh a stick out like sore thumb from the belly of uptown in her fancy sweater!
Fyah: It's Austin Reed...don't get it twisted. The fact of the matter is, yuh hear that is on a beach...we weren't planning on staying that long, and like I seh...I'll be better prepared next time.

Mic: Seeeeeeeeen! Well all I can say is that it was a treat to see new faces! Especially new MALE faces! Some hot boys did out deh! Boom Dandimite was there! I haven't seen him in ages. General B, Ghost, Singer J, GABRIEL!! Yo, mi really love dance yuh knuh!! Just the vibe, star! Everybody just tilly! Dress up nice, dancin', no war vibes, no watchin face ting. Jus' nice.
Fyah: Ok, Mic, thanks for the monologue. The long and short of it is, a good time was had. Likkle More!
Mic: Yeh. One!